Misli Premyer Liqasının XXXIII turunda "Qarabağ" səfərdə "Sumqayıt"ı 3:4 hesabı ilə məğlub edib.
Milli.Az xəbər verir ki, oyundan sonra keçirilən mətbuat konfransında Ağdam təmsilçisinin baş məşçqçisi Qurban Qurbanov matçı şərh edib:
"İlk öncə futbolçularımı təbdrik edirəm. Hər iki komanda mübariz oyun göstərdilər. İstəkli idilər. Hal-əhval yaxşı idi. bütün komandalara təşəkkür etmək istəyirəm. araqlı çempionat oldu. Futbola xas hər şey oldu: Qalmaqallar, qələbələr, məğlubiyyəltər, yerdəyişmələr. Hansısa epizodda,açıqlamalarımızda sizləri narahat etmişiksə, üzrlü sayın. Bunlar olmasa, futbol olmaz. Çalışmalıyıq ki, daha sakit davranaq. Azarkeşlərimizə təşəkkür edirəm. Bütün oyunlarımızda bizə dəstək olublar. Bütün komandaların tərəfdarlarına da təşəkkürlər edirəm. Sizlərə də minnətdarlığımı bildirirəm. Qaldı, növbəti oyuna hazırlaşmaq. Qarşıdan bizi oyunlar gözləyir. Ən azından bu il ilk yetdə olmasaq da, ikinci olduq, yaxşı oyunlar keçirdik".
Q.Qurbanov E.Cəfərquliyevin klublarla danışıqlara başladığını açıqlayıb:
"Gedəcək futbolçular da, gələnlər də olacaq. Səbr etmək lazımdır. Doğru cavab vermək istəyirik. İş gedir, xəbərlər olacaq. Saytımız vasitəsilə açıqlanacaq. Elvin ilə bağlı məsələyə gəlincə, klublarla danışıqlar üçün icazə verilib. Bu, baş tutmasa, əsas komandada qalması və ya əvəzedicilərdə oynaması barədə qərar veriləcək".
Mütəxəssis adının "Beşiktaş" klubu ilə hallanmasına münasibət bildirib:
"Adımın çəkildiyi klublar varsa, təşəkkür edirəm. "Qarabağ" klubu ilə müqaviləm var".
Q.Qurbanov "Qarabağ"ın ÇL-dəki çıxışını dəyərləndirib:
"Mən öz adıma yox, futbolçuların adına üzülürəm. Çox can qoydular. Kasıb, döyüşkən uşaqlar bunu bacardı. Biz 7-8 ay bpyük futbolu Azərbaycanda hiss etdik. Müxtəlif restoranlarda nə qədər insanın oyunları izlədiyini gördük. Uğur uğurdur. Çıxışımızı uğursuz adlandırmağı dilimə gətirməzdim. İlk turlardan 5-likdə, 8-likdə yer aldıq. Dünyanın böyük ölkələrinin komandalarının olduğu liqada yer alan "Qarabağ"ı uğursuz adlandırmaq doğru deyil. Mən kasıb, ya da zəngini olsun, kənardan bir kimsənin narazılıq etdiyini görməmişəm. Bu il mən çox razı qaldım. Bu il biz sona qədər yarışdan qopmadıq. Sadəcə futbolçulara görə üzülürəm. Biz bəzən ölkəmiz üçün lazım olan anda qələbəni qazanmışıq. Bu, həmin qələbəni daha dəyərli edib". (Offsideplus.az)
Milli.Az