Kabak dolması hazırlayarkən tərəvəzlərin içini oymaq çox vaxt aparan və bezdirici bir prosesə çevrilə bilər. Lakin adi bir mətbəx hiyləsi ilə bu işi saniyələr içində həll etmək mümkündür. Mətbəxdə qaşıqla və ya xüsusi oyma aləti ilə vaxt itirmək əvəzinə, mikserin ucluğundan istifadə etmək həm sürətli, həm də effektiv nəticə verir. Son dövrlərdə xanımların tez-tez üstünlük verdiyi bu üsul, xüsusilə böyük ziyafət süfrələri üçün dolma hazırlayarkən vaxta qənaət etməyin ən yaxşı yoludur.
Milli.Az xəbər verir ki, qaşıqla kabağın içini qazımaq həm yorucudur, həm də çox vaxt aparır. Mikserin tək bir ucluğunu əlinizə alıb kabağın içinə yerləşdirmək və yüngülcə çevirmək kifayətdir. Cəmi bir-iki hərəkətlə kabağın daxili hissəsi bütöv şəkildə çölə çıxır.
Qaşıq istifadə edildikdə kabağın divarları bəzi yerlərdə qalın, bəzi yerlərdə isə həddindən artıq nazik qala bilir. Mikser ucluğu isə dairəvi forması sayəsində daxili səthi bərabər şəkildə incəldir. Nazik oyulmuş kabaqlar bişərkən içliyin (qiymənin) dadını daha yaxşı çəkir və daha tez bişir.
Kabaq oyarkən ən çox qarşılaşılan problem təzyiq səbəbindən kabağın divarının deşilməsi və ya çatlamasıdır. Mikser ucluğu fırlanaraq hərəkət etdiyi üçün tərəvəzə birbaşa güc tətbiq olunmur və nazik fırlanma hərəkəti ilə daxili hissəni zədələmədən təmizləyir. Beləcə, dolma üçün mükəmməl və sağlam kabaqlar əldə edilir.
Adi üsulla oyma zamanı kabağın daxili hissələri və suyu ətrafa sıçraya bilər. Mikser ucluğu ilə işlədikdə isə daxili hissə bütöv çıxdığı üçün ətraf çirklənmir. Eyni zamanda bilək gücü tələb etmədiyi üçün çoxlu sayda kabaq oyduqda belə əliniz yorulmur.
Kabaqların baş hissəsini kəsdikdən sonra mikserin tel ucluğunu (cihaza qoşmadan, sadəcə əlinizlə tutaraq) kabağın daxilinə doğru itələyin və saat əqrəbi istiqamətində fırladaraq geri çəkin. Kabağın içindəki bütün tumlu hissənin tək səfərdə ucluğa dolanaraq təmiz çıxdığını görəcəksiniz. Görünüşü pozulmayan, estetik və incə oyulmuş kabaqlarınız artıq doldurulmağa hazırdır!
Lalə Qüdrətova
Milli.Az