Şəkinin Kiş kəndində qaz təchizatında müvəqqəti fasilə yaranıb.
Milli.Az xəbər verir ki, bu barədə Zaqatala Regional Qaz İstismarı İdarəsi məlumat yayıb.
Bildirilib ki, Şəki rayonu B.Vahabzadə küçəsində yerləşən PE-160 mm-lik yeraltı qaz xəttində aşkarlanan qaz sızmasının aradan qaldırılması ilə əlaqədar mayın 15-də saat 14:50-dən etibarən Kiş kəndinin qaz təchizatında müvəqqəti məhdudiyyət yaranıb.
Qeyd olunub ki, təmir işləri başa çatdıqdan sonra qazın verilişi bərpa olunacaq.
Milli.Az