Unitaz təmizliyi ev işləri arasında ən çətin və xoşagəlməz tapşırıqlardan biri hesab olunur. Lakin bahalı kimyəvi təmizləyicilərə pul xərcləmədən, evdə olan təbii vasitələrlə ağappaq və gigiyenik nəticə əldə etmək mümkündür.
Milli.Az ləkələri anında yox edən 5 təbii üsulu təqdim edir:
Sirkə və soda: "Qızıl cütlük"
Karbonat ləkələri aşındıraraq sökür, sirkə isə ərp və kirəci parçalayaraq dezinfeksiya edir.
Klozetin içinə bir stəkan karbonat tökün, üzərinə eyni miqdarda sirkə əlavə edin. Yaranan köpüklənmə reaksiyası ləkələri yerindən oynatacaq. 20-30 dəqiqə gözləyib fırçalayın.
Kola: Pas və ərp düşməni
Tərkibindəki fosfor turşusu sayəsində kola pas ləkələrini və kirəc yığınlarını təmizləməkdə olduqca effektivdir.
Bir böyük şüşə kolanı klozetin kənarlarından başlayaraq tökün. Ən azı 1 saat (mümkünsə bir gecə) gözlədikdən sonra sifonu çəkin.
Limon duzu: İnadkar kirəcə son
Sərt su ləkələri üçün limon duzu ən güclü turşu qaynağıdır.
2-3 xörək qaşığı limon duzunu klozete səpin. Səhərə qədər gözlətdiyinizdə kirəcin tamamilə həll olduğunu görəcəksiniz.
Efir yağları və ərəb sabunu
Həm təmizlik, həm də xoş ətir istəyənlər üçün ideal üsuldur.
Maye ərəb sabununa 10 damcı çay ağacı və ya limon yağı əlavə edin. Bu qarışıqla fırça vasitəsilə hər yeri ovun. Çay ağacı yağı həm də güclü antibakterial xüsusiyyətə malikdir.
Limon suyu və hidrogen peroksid (Oksigenli su)
Hidrogen peroksid xlor tərkibli olmayan təbii bir ağardıcıdır.
Yarım stəkan oksigenli su və bir limonun suyunu qarışdırıb klozetin divarlarına çəkin. 40 dəqiqə gözlədikdən sonra səthlərin parladığını və mikrobların məhv olduğunu müşahidə edəcəksiniz.
Bu üsullar həm cibinizə qənaət edir, həm də evdə kəskin kimyəvi qoxuların yaranmasının qarşısını alır.
Lalə Qüdrətova
Milli.Az