Azərbaycanda tutulduğu deyilən nəhəng balıq sosial şəbəkələrdə geniş müzakirələrə səbəb olub.
Milli.Az xəbər verir ki, görüntülərdə balığın həm iri çəkisi, həm də qeyri-adi görnüşü izləyicilərin diqqətini çəkib.
Paylaşılan videolarda balığın ölçüsünün olduqca böyük olduğu görünür. Sosial media istifadəçiləri görüntülərə müxtəlif reaksiyalar verərək balığın növü ilə bağlı müzakirələr aparıblar.
Bəzi izləyicilər bunun "Naxa" adlanan balıq olduğunu iddia ediblər. Hətta şərhlərdə həmin balığın ətinin yeyilmədiyini və haram hesab olunduğunu yazanlar da olub.
Digər istifadəçilər isə balığın görnüşünün nadir hallarda rast gəlinən növlərdən birinə bənzədiyini bildiriblər. Görüntülər qısa müddətdə çoxsaylı baxış toplayaraq sosial platformalarda gündəm mövzusuna çevrilib.
Musa
Milli.Az