Gəncədə yaşayış binasında yanğın baş verib.
Milli.Az qafqazinfo-ya istinadən xəbər verir ki, hadisə şəhərin Dədə Qorqud küçəsində qeydə alınıb.
Belə ki, Faxrəddin Hüseynova məxsus beşmərtəbəli yaşayış binasının ikinci mərtəbəsində yerləşən mənzilin mətbəx hissəsi tamamilə yanıb.
Hadisə yerinə Gəncə şəhər Dövlət Yanğından Mühafizə Xidmətinin iki yanğın söndürən avtomobili və canlı qüvvə cəlb edilib.
Görülən tədbirlər nəticəsində alovun qarşısı alınıb və yanğın söndürülüb.
Faktla bağlı araşdırma başlanılıb.
Milli.Az