Dünyada ən çox satılan mobil telefonun Nokia 1100 olduğu açıqlanıb.
Milli.Az xəbər verir ki, bu barədə BGR nəşri yazıb.
Məlumata görə, 2003-cü ildə satışa çıxarılan Nokia 1100 modeli ümumilikdə 250 milyon ədəd satılaraq tarixdə ən populyar mobil cihaz olub və həm Apple, həm də Samsung smartfonlarını geridə qoyub.
İkinci yerdə 2005-ci ildə təqdim edilən Nokia 1110 modeli qərarlaşıb. Bu cihazın satış göstəricisi 248 milyon ədəd təşkil edib.
Üçüncü sırada isə iPhone 6 və iPhone 6 Plus modelləri yer alıb. Bu iki cihazın ümumi satış sayı 224 milyon ədədə çatıb.
Məqalədə qeyd olunur ki, Nokia telefonlarının bazara çıxdığı dövrdə mobil texnologiya bazarı indiki qədər rəqabətli deyildi. O zaman Finlandiya şirkətinin əsas rəqibləri Blackberry, Sony, Motorola və digər bir neçə istehsalçı idi.
Ayxan
Milli.Az