Yuxuda danışmaq (somnilokviya) çox yayılmış haldır və əksər hallarda təhlükəli sayılmır.
Milli.Az xəbər verir ki, bu vəziyyət parasomniyalara daxildir və həm yuxunun dərin, həm də REM mərhələsində baş verə bilər.
Həkimlər bildirir ki, əsas səbəblər arasında stress, yuxusuzluq, alkoqol qəbulu və yuxu rejiminin pozulması yer alır. Otaq şəraiti və psixoemosional gərginlik də bu halı gücləndirə bilər.
Adətən müalicə tələb olunmur, lakin simptom tez-tez təkrarlanırsa, qışqırıq, qorxu və ya digər narahatedici hallar müşahidə olunursa, mütəxəssisə müraciət etmək tövsiyə edilir.
Milli.Az