Son vaxtlar pivənin normadan artıq istifadəsinin insan sağlamlığına mənfi təsirləri ilə bağlı mütəxəssislər xəbərdarlıq edir.
Milli.Az xəbər verir ki, həkimlərin sözlərinə görə, pivə az miqdarda qəbul edildikdə müəyyən hallarda ciddi problem yaratmasa da, onun həddindən artıq içilməsi bir sıra xəstəliklərə yol aça bilər. Xüsusilə qaraciyər problemləri, artıq çəki, ürək-damar xəstəlikləri və həzm sistemində pozuntular bu risklər sırasında göstərilir.
Mütəxəssislər bildirir ki, pivənin tərkibində olan alkoqol orqanizmə mənfi təsir göstərərək zamanla asılılıq yarada bilər. Bu isə insanın həm fiziki, həm də psixoloji sağlamlığına zərər vurur.
Bundan əlavə, pivənin tez-tez və çox miqdarda qəbulu yaddaş zəifləməsinə, diqqət dağınıqlığına və iş qabiliyyətinin aşağı düşməsinə səbəb ola bilər.
Həkimlər vətəndaşlara spirtli içkilərdən, o cümlədən pivədən istifadə zamanı ölçünü gözləməyi və sağlam həyat tərzinə üstünlük verməyi tövsiyə edirlər.
Musa
Milli.Az