Azərbaycanda hansı vaxtlarda və harada balıq tutmaq qadağandır?

31 Mart 2026 22:28

Xəbər verdiyimiz kimi, aprelin 1-dən sentyabrln 1-dək Kür çayı, Sarısu gölü, Mingəçevir, Şəmkir, Araz, Yenikənd su anbarlarında balıq ovu mümkün olmayacaq.

Milli.Az Trend-ə istinadən xəbər verir ki, 2 iyun 2017-ci ildən Azərbaycanda bir sıra su obyektlərində müxtəlif zaman aralıqlarında balıq ovu qadağan edilib.

Belə ki, bütün il boyu aşağıdakı yerlərdə balıq və digər su bioresurslarının sənaye ovu qadağandır:

Kür çayının mənsəbinin qarşısındakı sahələrdə: çayın mənsəbinin sağ sahilindən Cənub-Şərq Qoltuq yaşayış məntəqəsi istiqamətindəki dəniz ləpədöyəninə qədər düz xətt üzrə 9 km-lik məsafədə, çayın mənsəbinin sol sahilindən Şimal-Şərq Qoltuq yaşayış məntəqəsi istiqamətindəki dəniz ləpədöyəninə qədər 9 km-lik məsafədə və bu kənar nöqtələrdən orta dəniz ləpədöyəni ilə Xəzər dənizinin dərinliyinə doğru 7 km-lik sahədə;
dəniz ləpədöyənindən Kür çayından əsas qolun (Bala Kür) ayrıldığı ərazilərə kimi, Sabirabad rayonunun Bala Həşimxanlı kəndindən Varvara SES-in bəndinə qədər olan sahədə;
Araz çayında su anbarı istisna olmaqla bütün çay boyu;
su bəndləri, şlüzlər və körpülərdən 500 metr məsafəyədək ərazilərdə.

Həmçinin, aşağıda göstərilən müddətlərdə və yerlərdə balıq və digər su bioresurslarının sənaye ovuna icazə verilir:

Sıra №-si	Balıqçılıq və su obyektləri	Ov alətləri	Ova icazə verilən müddətlər
1	2	3	4
Xəzər dənizində (gölündə)
1.	Axçalı və siyənək balıqlarının ovu	dayanan nevodlar	yanvar ayının 1-dən may ayının 1-nə qədər və sentyabr ayının 1-dən dekabr ayının 31-nə qədər
2.	Axçalı və siyənək balıqlarının ovu	axçalı balıq torları	yanvar ayının 1-dən aprel ayının 1-nə qədər və sentyabr ayının 1-dən dekabr ayının 31-nə qədər
3.	Gəmilərlə kilkə ovu	konus tor, müxtəlif dərinlikli pelagik tral və nasoslar	yanvar ayının 1-dən may ayının 1-nə qədər və iyun ayının 1-dən dekabr ayının 31-nə qədər
4.	Siyənək və axçalı balıqların ovu	siyənək torları	fevral ayının 1-dən may ayının 1-nə qədər
5.	Sahil kilkəsinin ovu	dayanan nevodlar	yanvar ayının 1-dən aprel ayının 1-nə qədər və sentyabr ayının 15-dən dekabr ayının 31-nə qədər
6.	Kefal və digər axçalı balıqların ovu	cibli kefal torları	yanvar ayının 1-dən may ayının 1-nə qədər və sentyabr ayının 1-dən dekabr ayının 31-nə qədər
7.	H.Z.Tağıyev adına qəsəbədən Rusiya Federasiyasının sərhədlərinə qədər olan sahilboyu ərazilərdə siyənək və axçalı balıqların ovu	atılan nevodlar	mart ayının 1-dən aprel ayının 15-nə qədər
8.	Xərçəng və krevet ovu	venterlər	iyul ayının 1-dən noyabr ayının 1-nə qədər
Kür çayında
9.	Axçalı balıqların ovu	atılan nevodlar və üzən çay torları	yanvar ayının 1-dən aprel ayının 1-nə qədər və sentyabr ayının 1-dən dekabr ayının 31-nə qədər
10.	Kür çayının əlavə sularında axçalı balıqların ovu	üzən çay torları	yanvar ayının 1-dən mart ayının 1-nə qədər və sentyabr ayının 1-dən dekabr ayının 31-nə qədər
11.	İlanbalığının ovu	venterlər	yanvar ayının 1-dən mart ayının 1-nə qədər və oktyabr ayının 1-dən dekabr ayının 31-nə qədər
	Göllərdə
12.	Candargöl və Sarısu göllər sisteminə daxil olan su obyektlərində axçalı balıqların ovu	axçalı balıq torları və venterlər	yanvar ayının 1-dən aprel ayının 1-nə qədər və sentyabr ayının 1-dən dekabr ayının 31-nə qədər
	Su anbarlarında
13.	Mingəçevir, Şəmkir, Araz, Yenikənd, Ağstafa və Varvara su anbarlarında axçalı balıqların ovu	axçalı balıq torları və venterlər	yanvar ayının 1-dən aprel ayının 1-nə qədər və sentyabr ayının 1-dən dekabr ayının 31-nə qədər
14.	Mingəçevir, Araz və Varvara su anbarlarında xərçəng və krevet ovu	venterlər	iyul ayının 1-dən noyabr ayının 1-nə qədər
	Meliorativ kollektorlarda
15.	Axçalı balıqların ovu	dayanan nevodlar, karavalar, venterlər və axçalı balıq torları	yanvar ayının 1-dən may ayının 1-nə qədər və sentyabr ayının 1-dən dekabr ayının 31-nə qədər
16.	İlanbalığının ovu	venterlər	yanvar ayının 1-dən mart ayının 1-nə qədər və oktyabr ayının 1-dən dekabr ayının 31-nə qədər
17.	Krevetlərin ovu	venterlər	iyul ayının 1-dən noyabr ayının 1-nə qədər
	Digər su obyektlərində
18.	Göl qurbağasının ovu	domca	may ayının 15-dən iyul ayının 30-na qədər və sentyabr ayının 1-dən noyabr ayının 1-nə qədər

Aşağıdakı ərazilərdə və müddətlərdə balıq və digər su bioresurslarının sənaye balıq ovu qadağandır:

Şabran limanını dəniz ilə birləşdirən mənsəbyanı sahədə hər iki tərəfə 1 km, dənizin içərisinə doğru 2 km-lik ərazidə yanvarın 1-dən avqustun 15-nə kimi;
Kür çayının qadağan sahəsinin şimal sərhədindən Sabirabad rayonunun Bala Həşimxanlı kəndinə qədər olan sahədə aprelin 1-dən mayın 31-nə kimi;
Böyük Qızılağac körfəzinin sahələrində: Kür dilinin cənub qurtaracağından Kiçik Qızılağac körfəzinin suburaxma kanalının sərhədinə qədər olan ərazilərdə mayın 1-dən 31-nə kimi;
Kiçik Qızılağac körfəzinin balıqkeçirici kanalından 1 km şimala və 1 km cənuba, habelə dənizin içərisinə doğru 3 km ərazilərdə fevralın 1-dən mayın 1-nə kimi.

Vətəgə əhəmiyyətli balıqların minimum ölçüləri (santimetrlə):

Balığın növü	Dənizdə	Kürdə və daxili su hövzələrində
Bölgə	180	165
Nərə	105	105
Uzunburun	110	90
Sıf		43
Çəki	40
Kütüm	35
Xramulya		24
Kefal	24
Şamayı	19
Şirbit	52
Çapaq	26
Külmə	17
Xəşəm	41
Qarasol	17
Qarabel siyənək	20
Şişqarın siyənək	14
Kür qızılbalığı		76
Adi kilkə	6
İrigöz və ançousabənzər kilkə	7

Vətəgə ölçülərinə çatmamış balıq növlərinin ovuna yol verilən norma həddi:

atılan nevod və üzən torlarla vətəgə ölçülərinə uyğun gəlməyən axçalı balıqların miqdarı, bir dəfə tor süzüldükdən sonra ümumi ovun 8 faizindən, qurma axçalı balıq torları ilə ov zamanı 15 faizindən, dayanan nevod, venter, karava və tələ quruluşu digər ov alətləri ilə ov zamanı 40 faizindən, kilkə nevodları ilə ov zamanı 50 faizindən çox olmamaqla ovuna yol verilir;
gəmilərlə kilkə ovunda ov alətlərinə düşən (konus tor və nasoslar) siyənək və digər axçalı balıqların miqdarının ovun 0,3 faizindən çox olmasına yol verilmir. Dayanan nevodlarla və gəmilərlə kilkə ovunda vətəgə ölçülərinə uyğun gəlməyən kilkələr ümumi ovun 20 faizindən çox olmamalıdır;
ov alətlərinin ölçüləri (millimetrlə);

alətlər	Maksimum uzunluğu (m)	Tələquruluşlu ov alətlərində istifadə olunan torların gözünün ölçüləri (mm)	Axçalı və siyənək balıqlarının, habelə göl qurbağasının ovunda istifadə edilən ov alətlərinin (torların) gözünün ölçüləri (mm)
çəpərdə	qazanda və qollarda	enli hissə	ensiz hissə
1	2	3	4	5	6	7
Axçalı balıq torları	25	-	-	-	-	30x30 - 60x60
Siyənək torları	25	-	-	-	-	42x42 - 44x44
Dayanan nevodlar (axçalı və siyənək balıqlarının ovu üçün)	1000	40x40- 45x45	36x36- 44x44	-	-	-
Dayanan nevodlar (sahil kilkəsinin ovu üçün)	1000	6,5x6,5	6,5x6,5	-	-	-
Karavalar	25	40x40- 45x45	36x36- 44x44	-	-	-
Venterlər (axçalı balıqların ovu üçün)	25	40x40- 45x45	32x32- 40x40	-	-	-
Venterlər (ilanbalığının ovu üçün)	1	-	6,5x6,5	-	-	-
Venterlər (xərçəng ovu üçün)	5	12x12	12x12	-	-	-
Venterlər (krevet ovu üçün)	32,5	6,5x6,5	6,5x6,5	-	-	-
Konus tor (gəmilərlə kilkə ovu üçün)	5	-	6,5x6,5	-	-	-
Müxtəlif dərinlikli pelagik tral (gəmilərlə kilkə ovu üçün)	15	-	8x8- 10x10	-	-	-
Kefal ovu üçün cibli torlar	350	-	-	300x 300	40x40- 50x50	-
Üzən torlar	235	-	-	-	yazda- 35x35, payızda və qışda- 55x55	-
Atılan nevodlar	400,5	yazda və yayda 50x50, payızda və qışda 40x40	yazda və yayda- 35x35, payızda və qışda - 30x30	-	-	-
Domca (göl qurbağasının ovu üçün)	-	-	-	-	-	25x25

Atılan nevodların bütün növlərində hər bir köməkçi qolların, yaxud dəhlizin uzunluğu, həmin ov alətlərinin qollarının və ya çəpərinin uzunluğunun üçdə birindən çox olmamalıdır.

Milli.Az