"Mançester Siti" klubu finalda "Arsenal"ı 2-0 hesabı ilə məğlub edərək futbol üzrə İngiltərə Liqa Kubokunun qalibi olub.
Milli.Az xəbər verir ki, Londonun "Uembli" stadionunda keçirilən qarşılaşmada ilk qol 60-cı dəqiqədə vurulub.
Belə ki, 21 yaşlı "Siti" akademiyasının yetirməsi Niko Oreyli hesabı açaraq komandasını irəli çıxarıb və 64-cü dəqiqədə dubla imza atıb.
Bununla da "Mançester Siti" tarixində doqquzuncu dəfə bu titula sahib çıxıb.
Keçən il "Nyukasl" İngiltərə Liqa Kubokunu qazanıb. Finalda "Sağsağanlar" "Liverpul"u 2-1 hesabı ilə məğlub ediblər. /"Report"
Milli.Az