ABŞ Prezidenti Donald Tramp İranla razılaşma əldə etməkdə maraqlı olmadığını bildirib.
Milli.Az xəbər verir ki, bu barədə o, "Truth Social" hesabında yazıb.
"Onların rəhbərliyi artıq yoxdur, hərbi-dəniz və hava qüvvələri məhv edilib, demək olar ki, müdafiələri qalmayıb və indi razılaşma istəyirlər. Mən isə istəmirəm", - deyə Tramp qeyd edib.
ABŞ lideri həmçinin bildirib ki, Vaşinqton İrana qarşı məqsədlərinə nail olub:
"ABŞ İranı yerlə-yeksan edib və buna baxmayaraq, bəzi analitiklər mənim məqsədlərimə çatmadığımı deyir. Bəli, mən buna nail oldum və hətta planlaşdırılandan daha tez", - deyə o vurğulayıb.
Tramp əlavə edib ki, bəzi media orqanları, o cümlədən "The New York Times" onun siyasətini düzgün qiymətləndirmir və tez-tez yanılır. /APA
Milli.Az