İslam İnqilabı Keşikçiləri Korpusu (SEPAH) İranın intensiv hərbi əməliyyatlar apara biləcəyini bəyan edib.
Milli.Az bu barədə "Azad İran" "Telegram" kanalına istinadən xəbər verir.
SEPAH-ın sözçüsü Əli Məhəmməd Naininin sözlərinə görə, İran Silahlı Qüvvələrinin ABŞ və İsrailə qarşı azı altı ay ərzində intensiv hərbi əməliyyatlar aparmaq üçün kifayət qədər arsenal və resursları var.
O bildirib ki, ballistik raketləri, pilotsuz uçuş aparatları və hücum gəmilərini əhatə edən arsenal genişmiqyaslı və uzunmüddətli müharibə üçün nəzərdə tutulub.
O qeyd edib ki, ABŞ və İsrailin 200-dən çox obyektinə hücum edilib ki, bunların təxminən 60%-i regiondakı ABŞ bazalarına, 40%-i isə İsrail hədəflərinə yönəlib.
Milli.Az