Türkiyə Fatma müəllimdən danışır - 17 yaşlı şagird qətli belə planlayıb... - FOTO

İstanbulda Texniki Anadolu Liseyin müəllimi Fatma Nur Çelik 17 yaşlı şagirdi tərəfindən bıçaqlanaraq öldürülüb.

Milli.Az Türkiyə mətbuatına istinadla xəbər verir ki, hadisə İstanbulun Istanbul şəhərinin Çekmeköy rayonunda baş verib. Texniki Anadolu Liseyində 44 yaşlı biologiya müəllimi Fatma Nur Çelik 17 yaşlı şagirdi F.S.B tərəfindən sinif otağında bıçaqlanaraq qətlə yetirilib.

Məlumata görə, 11-ci sinif şagirdi olan F.S.B hücumu əvvəlcədən planlaşdırıb. O, müəllimin dərs cədvəlini araşdıraraq dərs saatını və sinfini müəyyən edib. Hücum dərs zamanı baş verib.

Hadisəyə müdaxilə etməyə çalışan başqa bir müəllim və 15 yaşlı şagird də yaralanıb. Ağır yaralanan Fatma Nur Çelik xəstəxanaya çatdırılsa da, həkimlərin səylərinə baxmayaraq həyatını xilas etmək mümkün olmayıb.

İddialara görə, mərhum müəllim daha əvvəl də aqressiv davranışlarına görə F.S.B-ni xəbərdar edib. Ötən il keçirilən intizam iclasında təhlükəsizliklə bağlı narahatlığını dilə gətirdiyi bildirilir. Həmçinin hücumu törədən şagirdin hadisədən bir neçə gün əvvəl "Bakırköy Ruh ve Sinir Xəstəlikləri" xəstəxanasından evə buraxıldığı iddia edilir.

Hadisə ilə bağlı istintaq davam edir.

Fidan
Milli.Az