İranın rəsmi yayımçısı "Amerikan-Sionist düşməni" adlandırdığı qüvvələrin IRIB (İslam Respublikası İran Yayımçılığı) kompleksinin bir hissəsini vurduğunu elan edib.
Milli.Az xəbər verir ki, IRINN xəbər kanalının aparıcısı canlı yayımda bir neçə dəqiqə əvvəl kompleksin hücuma məruz qaldığını bildirib.
Hücuma baxmayaraq, yayımın hələlik normal rejimdə davam etdiyi və texniki heyətin dəyən ziyanı qiymətləndirdiyi qeyd olunub.
IRIB qərargahı 2025-ci ilin iyun ayındakı müharibə zamanı da vurulmuşdu. O vaxtkı hücumda studiyanın tavanının çökməsi və aparıcının canlı yayımı tərk etməsi yaddaşlara həkk olunmuşdu.
Lalə Qüdrətova
Milli.Az