"Barselona"nın aparıcı yarımmüdafiəçilərindən olan Frenki de Yonq məşq prosesində zədə alıb.
Milli.Az xarici mətbuata istinadən xəbər verir ki, tibbi baxış zamanı 28 yaşlı niderlandlı futbolçunun bud nahiyəsinin arxa əzələsində yırtıq müəyyən edilib. Həkimlərin ilkin proqnozuna əsasən, o, minimum bir ay komandasına kömək edə bilməyəcək.
Qeyd edək ki, de Yonq 2025/2026 mövsümündə Kataloniya klubunun heyətində bütün turnirlərdə ümumilikdə 31 matça çıxıb. O, bu görüşlərdə 1 dəfə fərqlənib və 7 qolun ötürməsini verib.
Futbolçunun "Barselona" ilə mövcud müqaviləsi 2029-cu ilin yayına qədər davam edir.
Hüseyn
Milli.Az