İkue Otani 1997-ci ildən etibarən məşhur "Pokémon" anime-seriyasındakı Pikaçu obrazını səsləndirir və bu rolu ilə pop-mədəniyyətin ayrılmaz hissəsinə çevrilib.
Milli.Az xəbər verir ki, aktrisanın yüksək və emosional səsi "Pika-pika" və "Pika-chu" kimi sadə ifadələri dünya miqyasında tanınan səslərdən birinə çevrilib. Təxminən üç onillikdir İkue Otani Pikaçunu seriallarda, filmlərdə, video oyunlarda və reklam materiallarında səsləndirməyə davam edir.
Maraqlıdır ki, xarici dillərə dublyaj edildikdə belə Pikaçunun səsi çox vaxt dəyişdirilmir və orijinal şəkildə saxlanılır. Bu, personajın bütün dünyada eyni obraz kimi tanınmasına və yadda qalmasına böyük təsir göstərir.
İkue Otani və onun Pikaçu səsləndirməsi bir neçə nəsil tamaşaçı üçün tanışlıq və nostalgiya simvoluna çevrilib, həm də anime sənətinin ikonlarından biri kimi qiymətləndirilir.
Musa
Milli.Az