ABŞ-nin Azərbaycandakı səfirliyi millimizin və "Qarabağ"ın keçmiş futbolçusu Nəriman Axundzadənin Ohayo ştatını təmsil edən "Colombus Crew" klubuna transfer olması münasibətilə təbrik postu paylaşıb.
Milli.Az sözügedən paylaşımı təqdim edir:
"Azərbaycanlı futbol ulduzu Nəriman Axundzadəni ABŞ-nin Ohayo ştatını təmsil edən "Columbus Crew" klubu ilə müqavilə imzalaması münasibətilə səmimi-qəlbdən təbrik edirik. "Qarabağ"ın heyətində nümayiş etdirdiyi parlaq və yaddaqalan çıxışlarla geniş rəğbət qazanan istedadlı gənc hücumçu ABŞ-nin yüksək (MLS) liqası ilə müqavilə imzalayan ilk azərbaycanlı futbolçudur".
Səfirlik həmçinin ölkə çempionumuza Çempionlar Liqasının pey-off qarşılaşmasında, "Qarabağ" - "Nyukasl" uğurlar və inamlı qələbə arzu edib.
Milli.Az