Rusiyanın Sankt-Peterburq şəhərində iki nəfər meymunçiçəyi xəstəliyinə yoluxub. Həkimlər onları şəhər klinikalarından birinə hospitalizasiya ediblər.
Milli.Az xəbər verir ki, bu barədə REN TV məlumat yayıb. Məlumata görə, pasiyentlərin vəziyyəti orta ağır kimi qiymətləndirilir.
Qeyd olunur ki, meymunçiçəyi kimi tanınan xəstəlik yoluxmuş insan və ya heyvanla birbaşa fiziki təmas zamanı ötürülür. Əsas risk mümkün fəsadlar, o cümlədən dəri infeksiyaları, pnevmoniya və sepsisdir.
Ümumdünya Səhiyyə Təşkilatının məlumatına görə, 2022-ci ilin yanvarından 2024-cü ilin noyabr ayının sonunadək dünyada meymunçiçəyi infeksiyası üzrə 117663 yoluxma halı qeydə alınıb.
Mütəxəssislər bildiriblər ki, ən mürəkkəb epidemioloji vəziyyət Afrika qitəsində qalır. Konqo Demokratik Respublikası, Burundi və Uqandada genişmiqyaslı yoluxma dalğaları müşahidə olunub.
Ayxan
Milli.Az