Türkiyənin "Qalatasaray" klubunda çıxış edən və Nigeriya millisinin üzvü olan Viktor Osimhenin karyerasını Almaniyada davam etdirmək ehtimalı gündəmə gəlib.
Milli.Az xarici mətbuata istinadən xəbər verir ki, "Bayern Munich" nigeriyalı forvardı transfer siyahısına daxil edib. Münhen təmsilçisinin hücum xəttini gücləndirmək üçün bir neçə namizəd üzərində dayandığı və Osimhenin də həmin siyahıda yer aldığı bildirilir.
İddialara əsasən, Almaniya çempionu növbəti transfer pəncərəsində futbolçu üçün rəsmi təklif hazırlaya bilər.
Qeyd edək ki, 25 yaşlı hücumçu cari mövsümdə "Qalatasaray"ın heyətində 22 oyuna çıxaraq 15 qol vurub və 9 məhsuldar ötürmə edib. Osimhenin yüksək məhsuldarlığı Avropa nəhənglərinin diqqətini cəlb etməkdə davam edir.
Hüseyn
Milli.Az