Xırdalan şəhərinin Heydər Əliyev prospektində fəaliyyət göstərən "Kristal" restoranın qarşısında yaranan vəziyyət sakinlərin narazılığına səbəb olub.
Milli.Az xəbər verir ki, obyektin ön hissəsində avtomobillərin nizamsız şəkildə park edilməsi piyadaların rahat hərəkətinə maneə yaradır. Bu səbəbdən insanlar məcbur qalaraq avtomobil yoluna çıxmalı olurlar ki, bu da təhlükə yaradır.
Şəhərdə sıxlıq problemi yalnız bununla məhdudlaşmır. Xırdalanın əsas küçələrində nəqliyyat və piyada axını artıq ciddi çətinliklər yaradıb. Çoxmərtəbəli yaşayış binalarının artması və onların birinci mərtəbələrində fəaliyyət göstərən müxtəlif iaşə və ticarət obyektləri vəziyyəti daha da gərginləşdirir. Xüsusilə Heydər Əliyev prospektində tez-tez uzunmüddətli tıxaclar müşahidə olunur.
Sakinlər məsələ ilə bağlı aidiyyəti qurumların müdaxilə etməsini və problemin aradan qaldırılması üçün konkret addımlar atılmasını istəyirlər.
Aidiyyatı qurumdan isə məsələnin araşdırılıb cavab veriləcəyi bildirilib.
Asya
Milli.Az