Hələ də qızıl insanlar üçün ən etibarlı investisiyadır. Bu gün isə qızılın qiyməti rekord həddə çatıb.
Belə ki, dəyərli metalın qiyməti trua unsiyası üçün beş min dolları keçib. Bahalaşma ölkə bazarlarından da yan keçməyib.
Milli.Az xəbər verir ki, satıcılar AzTV-yə bildiriblər ki, qızılın alışı əvvəl 170 manat idisə, hazırda 200 AZN-ə çatıb, bu da alıcılar üçün çətinlik yaradır.
Onlar bildirirlər ki, qiymət artdığı üçün hazırda müştərilər ən çox 585 əyarlı qızılı istəyirlər.
Qlobal bazarlarda qızılın qiymətinin artmasının bir çox səbəbləri var.
Buna qlobal iqtisadi və siyasi qeyri-müəyyənlik və ABŞ dollarının zəifləməsi gətirib çıxarır.
Milli.Az