Uzun müddətdir sağlamlıq problemləri yaşayan tanınmış aktrisa Mənsumə Babayevanın səhhəti yenidən pisləşib.
Milli.Az bildirir ki, bu barədə Yenicag.az-a açıqlamasında aktrisanın qızı məlumat verib. O, anasının növbəti dəfə insult keçirdiyini və hazırda həkim nəzarətində olduğunu bildirib:
"Anam yenidən insult keçirib. Hazırda həkim nəzarəti altında evdə müalicə olunur. Vəziyyəti ilə əlaqədar telefonlara cavab verə bilmir".
Qeyd edək ki, sənətçi bir neçə ağır xəstəliklə mübarizə aparır. Sinəsində şiş aşkarlanan aktrisa bundan əvvəl iki dəfə Milli Onkologiya Mərkəzində əməliyyat olunub. Mənsumə Babayeva eyni zamanda şəkərli diabetdən əziyyət çəkir. Bu, aktrisanın keçirdiyi ikinci insultdur.
Milli.Az