İngiltərənin "Mançester Siti" klubunun yeni transferi Mark Qehi komandada ən çox qazanan futbolçulardan birinə çevriləcək.
Milli.Az xarici mətbuata istinadən xəbər verir ki, "Transfermarkt" 25 yaşlı müdafiəçinin yeni klubundakı illik məvacibini açıqlayıb. İngiltərə millisinin üzvü "şəhərlilər"də bir mövsüm üçün 18 milyon avro qazanacaq. Bu göstərici ilə Qehi komandada yalnız Erlinq Holanndan geri qalacaq. Norveçli hücumçunun illik maaşı 31,5 milyon avro təşkil edir.
Xatırladaq ki, "Mançester Siti" Mark Qehinin transferini ötən gün rəsmən elan edib. Müdafiəçi 2021-ci ildən bu yana "Kristal Pelas"ın formasını geyinirdi.
Hüseyn
Milli.Az