Quba rayonunun Aşağı Atuc kəndində məişət tullantıları ciddi antisanitar vəziyyət yaradıb. Kəndin bir neçə hissəsində zibillər uzun müddət toplanaraq qalmaqdadır.
Milli.Az xəbər verir ki, sakinlər aidiyyəti qurumlardan ərazilərin dərhal təmizlənməsini istəyirlər.
Onların sözlərinə görə, əraziyə baxan yoxdur:
"İki dəfə öz hesabımıza buranı təmizləmişik, amma heç kim gəlməyib, baxmayıb. Evimizin yanı zibilxanaya çevrilib. Mal dərisi, qoyun ölüsü, heyvan cəmdəkləri gətirib atırlar, itlər də buraya toplaşır. Kənddə təxminən 1000 ev var, bir tədbir görsünlər ki, bu natəmizlikdən qurtulaq".
Qeyd olunub ki, artıq kənd bələdiyyəsinin əməkdaşları və texnika əraziyə gələrək təmizləmə işlərinə başlayıblar.
Asya
Milli.Az