Portuqaliya millisinin və Səudiyyə Ərəbistanının "Əl-Nəsr" klubunun hücumçusu Kriştiano Ronaldo "YouTuber" Mark Roberin şousunda iştirak edib.
Milli.Az xəbər verir ki, amerikalı mühəndis və YouTube ulduzu Mark Rober böyük miqyaslı mühəndislik layihələri və yaradıcı elm videoları ilə tanınır.
Roberin son layihəsinin məqsədi Ronaldo ilə penalti yarışına girə biləcək bir robot yaratmaq idi. Layihəni əks etdirən video sürətlə viral oldu və bir gündə 13 milyon izlənmə və təxminən 10,000 şərh topladı.
Layihənin hədəfi, saniyədə 80 mil/saat (128 km/saat) sürətlə gələn zərbələri dayandıra biləcək robot yaratmaq idi. Robotun reaksiyası üçün yalnız 250 millisekund vaxt verilmişdi. Bunun üçün Rober və komandası 22 infraqırmızı kamera ilə yüksək sürətli izləmə sistemi hazırladı. Bu kameralar və topa yapışdırılmış reflektiv stikerlər vasitəsilə sistem, topun 3D trayektoriyasını saniyədə 500 hesablama sürəti ilə, top ayaqdan çıxdıqdan cəmi 6 millisekund sonra proqnozlaşdıra bilirdi.
Lalə Qüdrətova
Milli.Az