Rusiya 2026-cı il üçün federal büdcəni təsdiqləyib. Son iki həftə ərzində sənəd parlamentin hər iki palatasından keçib və Rusiya Prezidenti Vladimir Putin tərəfindən imzalanıb.
Milli.Az axar.az-a istinadən bildirir ki, bu barədə "Moskva Tayms" nəşri yazıb.
Sənədə əsasən, Kreml gələn il 40,27 trilyon rubl (518,9 milyard dollar) gəlir əldə etməyi, xərcləri isə 44,06 trilyon rubl (567,8 milyard dollar) təşkil edəcəyini gözləyir. Nəticədə yaranan kəsir ölkənin ümumi ÜDM-nin təxminən 1,6%-ni təşkil edəcək.
Rusiya Ukrayna ilə müharibəyə rekord məbləğdə pul xərcləməyi planlaşdırır. Büdcənin demək olar ki, 30%-i (12,93 trilyon rubl və ya 166,8 milyard dollar) silah alışı da daxil olmaqla, orduya ayrılacaq.
Qeyd olunur ki, bu, Sovet dövründən bəri ən yüksək hərbi xərcdir.
Milli.Az