Türkiyədə azərbaycanlı kişinin meyiti tapıldı

29 Noyabr 2025 15:20

Türkiyədə azərbaycanlı kişinin meyiti tapılıb.

Milli.Az lent.az-a istinadən xəbər verir ki, hadisə Antalyanın Fikine qəsəbəsindəki binalardan birində qeydə alınıb.

Binanın birinci mərtəbəsindən kəskin qoxu hiss edən sakinlər polisə məlumat veriblər.

Hadisə yerinə gələn polis və xilasedicilər qapını qıraraq, içəri daxil olublar. Mənzildən 49 yaşlı azərbaycanlı Zaqor Masirov ölü halda aşkarlanıb. Onun nədən öldüyü isə bilinmir.

Faktla bağlı araşdırma aparılır.

Milli.Az