Qırğızıstanda noyabrın 30-da keçiriləcək növbədənkənar parlament seçkiləri ərəfəsində "sükut günü" başlayıb.
Milli.Az xəbər verir ki, təşviqat kampaniyası yerli vaxtla səhər saat 8:00-da (Bakı vaxtı ilə 06:00) başa çatıb.
Ölkədə 2 492, xaricdə isə 100 seçki məntəqəsi fəaliyyət göstərəcək. Qırğızıstanın Mərkəzi Seçki Komissiyası (MSK) növbədənkənar seçkilərdə iştirak üçün ümumilikdə 461 namizədi qeydiyyata alıb.
MSK-nın məlumatına görə, seçici siyahılarına 4 milyon 294 min 243 seçici daxil edilib.
Milli.Az