Sumqayıtda işıq sayğaclarında təhlükəli vəziyyət yaranıb.
Milli.Az xəbər verir ki, 13-cü mikrorayon, bina 9a, mənzil 11-in qarşısında yerləşən işıq sayğaclarında naqillər üstüaçıq vəziyyətdədir.
Sakinlər bildirib ki, bu barədə dəfələrlə aidiyyəti qurumlara şikayət etsələr də, heç bir tədbir görülməyib.
Məsələ ilə bağlı "Azərişıq" ASC ilə əlaqə saxladıq.
Qurumdan Milli.Az-ın sorğusuna cavab olaraq bildirildi ki, həmin ünvandan "Azərişıq"a heç bir rəsmi müraciət daxil olmayıb:
"Vətəndaşlar problemi bizə bildirdikdə dərhal reaksiya verilir və məsələ yerində həll olunur. Sözügedən vəziyyətlə bağlı məlumat aldıq və məsələ operativ şəkildə aradan qaldırılıb".
Mina Mikayılova
Milli.Az