Ağdamdan olan keçmiş məcburi köçkün uzun illərdən sonra doğma rayonda ev sahibi olub.
Milli.Az xəbər verir ki, keçmiş məcburi köçkün İlduzə Əliyeva Ağdamın Quzanlı qəsəbəsində mənzillə təmin edilib.
Məlumata görə, bu vaxta qədər İlduzə Əliyeva dəmiryolu stansiyasına aid olan vaqonda yaşayıb.
Qeyd edək ki, Ağdamda təxminən 2000 hektarlıq ərazini əhatə edən 100 min əhali məşkunlaşacaq. Ağdam ölkənin 4-cü ən böyük şəhəri olacaq. 2026-cı ilə qədər Ağdama 20-25 min civarında əhalinin köçürülməsi planlaşdırılır. 2026-cı ilin sonuna qədər yaşayış üçün zəruri olan bütün məsələlərin tamamlanması nəzərdə tutulub. Əlverişsiz şəraitdə yaşayan keçmiş məcburi köçkünlərin müasir tələblər cavab verən evlərə köçürlməsi işi planlı şəkildə sürətlə aparılır.
Mina Mikayılova
Milli.Az