Oğuzda ölümlə nəticələnən yol qəzası baş verib.
Milli.Az qafqazinfo-ya istinadən xəbər verir ki, hadisə rayonun Böyük Söyüdlü kəndi ərazisində olub.
Belə ki, hərəkətdə olan "BMW" markalı avtomobil idarəetmədən çıxaraq aşıb. Nəticədə avtomobilin sürücüsü, rayonun Dəymədağlı kənd sakini 1991-ci il təvəllüdlü Sakit Bayram oğlu Əzimov ölüb, 2 nəfər isə xəsarət alıb.
DİN-in Mətbuat Xidmətinin regional qrupundan bildirilib ki, faktla bağlı cinayət işi başlanılıb, araşdırmalar aparılır.
Milli.Az