Azərbaycanlı boksçu Olimpiya oyunlarının yarımfinalına vəsiqə qazanıb - YENİLƏNİB - FOTO

7 Avqust 2012 15:20

07.08.2012
09:36

London Yay Olimpiadasında mübarizəsini davam etdirən Azərbaycan boksçusu Məhəmmədrəsul Məcidovun yarımfinaldakı rəqibi müəyyənləşib. Azerisport.az xəbər verir ki, ötən gecə keçirilən 1/4 final görüşündə qələbə qazanmaqla ən azı bürünc medalı özü üçün təmin edən həmyerlimizin finala çıxmaq yolundakı rəqibi Roberto Kamarelle olacaq.

Qeyd edək ki, Kamarelle İtaliya təmsilçisidir. 32 yaşlı bu boksçu 1/8 finalda Ekvador boksçusunu 18:10 hesabı ilə məğlub edib. 1/4 finalda isə Mərakeş boksçusunu 12:11 hesabı ilə üstələyib. Məcidov isə öncə konqolu Meji Mvanbaya, ardından isə rusiyalı Məhəmməd Ömərova qalib gəlib.

Məcidovla Kamarelle arasındakı görüş avqustun 10-da keçiriləcək və Bakı vaxtı ilə gecə saat 02:30-da start götürəcək. Maraq üçün qeyd edək ki, həmin gün yarımfinala yüksəlmiş digər boksçumuz - Teymur Məmmədov da italiyalı idmançı Klemente Russo ilə görüşəcək. Həmin görüş isə Bakı vaxtı ilə saat 19:45-də start götürəcək.

----------
06:45