"Azərbaycanda 17186 müəllimin ortaaylıq maaşı 1589 manatdır".
Milli.Az xəbər verir ki, bu fikirləri elm və təhsil naziri Emin Əmrullayev İTV-nin efirində yayımlanan "Diqqət Mərkəzi" verilişində qonaq olarkən deyib.
O, bildirib ki, bu müəllimlərin həftəlik dərs saatı 30-36 saat aralığında dəyişir.
Nazirin sözlərinə görə, 3487 nəfər müəllimin ortaaylıq maaşı 210 manatdır:
"Bu müəllimlərin həftəlik dərs yükü 0-6 saat aralığındadır".
Həmçinin qeyd olunub ki, 38 711 nəfər müəllim ortalama ayda 979 manat maaş alır ki, onların da dərs yükü 18-24 saat aralığında dəyişir.
Milli.Az