Müğənni Samir Bağırov "Öz aramızda" verilişində qonaq olarkən pərəstişkarı ilə yaşadığı yaddaqalan hadisədən danışıb.
Milli.Az-ın məlumatına görə, sənətçi bildirib ki, bir dəfə gənc bir qız ona yaxınlaşaraq göz yaşlarını saxlaya bilməyib.
Samirin sözlərinə görə, qızın bu reaksiyası əvvəlcə ona qəribə gəlsə də, səbəbini öyrənəndə duyğulanıb:
"Gənc bir xanım ağlayaraq mənə yaxınlaşdı. Təəccübləndim, çünki onun yaşında pərəstişkarımın olması mənə qeyri-adi gəldi. Dedi ki, sizi görəndə rəhmətlik nənəsi yadıma düşür. Nənəsi məni çox sevirmiş, mahnılarım səslənəndə evdə hamıya nəfəs almağa belə icazə vermirmiş. Bu mənim üçün sənətçi kimi böyük xoşbəxtlikdir", - deyə o bildirib.
Samir Bağırov əlavə edib ki, uşaqlıq illərində pianoda Alla Puqaçovanın mahnılarını oxuyurdu, bu gün isə onun mahnılarını yeni nəsil ifa edir:
"Bu hissi sözlə ifadə etmək olmur, bu sənətçinin ən böyük uğurudur".
Hadisə sosial mediada da maraqla qarşılanıb.
Hüseyn
Milli.Az