"Hercai" və "Dilberim" kimi hitləri ilə tanınan türkiyəli müğənni Çelik son konsertində səhnədə çıxış edərkən yıxılıb.
Milli.Az xəbər verir ki, Çelik performansı zamanı ayağı rəqqasəsinə ilişərək tarazlığını itirib və yerə yıxılıb. Hadisəni görən tamaşaçılar qısa müddət panikaya düşsələr də, məşhur müğənni tez bir zamanda toparlanaraq konsertini davam etdirib.
Yaşadığı xoşagəlməz anı yumorla sosial media hesabında paylaşan Çelik, izləyicilərinə də çağırış edib: "Bəli, səhnədə yıxıldım. Müxbirlərdən əvvəl özüm paylaşım edim, bir az əylənək. Sizcə bu vəziyyət penalti sayılır? Ahmet müəllim bu işə nə deyər? Hər kəsdə bu anın videosu varsa, göndərin, hər baxış bucağından videonu birləşdirək. Mesajlarınızı gözləyirəm..."
Lalə Qüdrətova
Milli.Az