Gürcüstanın Marneuli bələdiyyəsinin Sabirkənd yaxınlığındakı meşəlik ərazidə tərk edilmiş avtomobildə güllələnmiş kişi meyiti aşkarlanıb.
Milli.Az xəbər verir ki, araşdırmalar nəticəsində həmin şəxsin Türkiyə vətəndaşı olduğu müəyyən edilib.
Hadisə yerinə hüquq-mühafizə orqanları cəlb olunub, meşəlik ərazi mühasirəyə alınıb və istintaq qrupları səhər saatlarından etibarən araşdırmaları davam etdirir.
Gürcüstan Daxili İşlər Nazirliyi faktla bağlı Gürcüstan Cinayət Məcəlləsinin 108-ci maddəsi - qəsdən adam öldürmə - üzrə cinayət işi başladıldığını bildirib. Maddəyə əsasən, təqsirli bilinən şəxsi 7 ildən 15 ilədək həbs cəzası gözləyir.
Milli.Az