İran bayrağı altında üzən balıqçı gəmisi Somali sahillərində naməlum şəxslər tərəfindən ələ keçirilib.
Milli.Az xəbər verir ki, hadisə çərşənbə axşamı günü, Somalinin paytaxtı Moqadişodan təxminən 332 dəniz mili (təqribən 615 kilometr) məsafədə, Hind okeanının cənub-şərq istiqamətində baş verib.
Ambrey hadisə ilə bağlı əlavə təfərrüatların hələlik məlum olmadığını, gəmidəki heyətin və ya hücumu həyata keçirən şəxslərin sayı barədə məlumatın paylaşılmadığını bildirib.
Hadisə barədə Reuters xəbər yayıb.
Milli.Az