Üzeyir Hacıbəyli adına Bakı Musiqi Akademiyasının Böyük zalında "Üzeyir Hacıbəyli-140" Festivalı çərçivəsində "Klassik musiqinin zamanı" layihəsinin təqdimatı və görkəmli Azərbaycan bəstəkarları Ü.Hacıbəyli və M.Maqomayevin yubileyinə həsr olunmuş konsert keçirilib.
Tədbir Birləşmiş xor hərəkatının əməkdar xadimi Kristina Əfəndiyevanın rəhbərliyi altında Bakı şəhəri Müqəddəs Baş Mələk Mikayıl kilsəsinin xoru tərəfindən təqdim olunan Azərbaycan Respublikasının himninin təntənəli ifası ilə açılıb.
Layihənin bədii rəhbəri - sənətşünaslıq üzrə fəlsəfə doktoru BMA-nın baş müəllimi Alyona İnyakina toplaşan auditoriyanı salamladı. A.İnyakina yeni başlayan layihənin əsas məqsədi - milli və dünya akademik musiqi sənətini müasir Azərbaycan gəncləri üçün daha əlçatan və başa düşülən etmək barədə danışmışdı.
Bayram konserti zamanı tamaşaçılar BMA-nın tarix-nəzəri fakültəsinin tələbələri tərəfindən: Jalə Quliyeva, Pakizə Mustafazadə, Əminəxanım Məmmədova, Ayşən Rəfizadə, Aydan Nağıyeva, Dürnisə Hüseynova, Nigar Nəbili, Rəhiməxanım Qurbanova, Adilə Məmmədli, Səma Mustafayeva, Nübar Ağaməmmədova, Rəhimə Həmidova və BMA-nın məzunu: Ləman Qulamova təqdim olunan görkəmli Azərbaycan bəstəkarlarının həyat və yaradıcılıq yolunun maraqlı faktlarını eşidə bildilər.
Çıxışların əsas mövzuları aşağıdakıları əhatə edirdi: Qarabağ musiqi mədəniyyətinin Ü.Hacıbəylinin yaradıcı şəxsiyyətinin formalaşmasına təsiri, Ü.Hacıbəyli və M.Maqomayevin əsərlərinin tarixi əhəmiyyəti, iki görkəmli bəstəkarın novator kəşfləri, musiqi elmi, pedaqogika və ictimai fəaliyyət sahələrinə verdiyi töhfələr.
Hər bir təqdimat bu böyük bəstəkarların sevimli əsərlərinin ifası ilə müşayiət olundu. Konsert proqramı beynəlxalq müsabiqələrin laureatları: Yuliya Heydərova, Kamilla İmanova, Elyar Əliyev; konsertmeysterlər: Dilarə Kərimova, Sevinc Kərimova, Rəna Zəkiyeva, Larisa Zəirbəyova; Birləşmiş Xor Hərəkatının əməkdar xadimi Kristina Əfəndiyeva rəhbərliyi altında Bakı şəhəri Müqəddəs Ali-Mələk Mikayıl adına kilsəsinin xoru; Bülbül adına Orta İxtisas Musiqi Məktəbinin şagirdləri: Əli Fərəcov, Tuncay Əşrəfli, Fərəcova Fatimə; BMA-nın tələbələri: Hidayət Sadiqbəyli, Ayla Həsənova, Ləman İsmayılova, Ülviyyə Mustafazadə tərəfindən ifa edildi.
Tədbir tamaşaçıların ayaq üstə alqışları ilə başa çatdı.
İnformasiya dəstəyi - Trend.Az, Day.Az, Milli.Az, Azernews.Az