Müasir paltaryuyan maşınların bir çoxunda özünü təmizləmə funksiyası mövcuddur. Bu rejim cihazın barabanını dərin təmizləmədən keçirir və kif, bakteriya və xoşagəlməz qoxuların qarşısını alır. Sadəcə ayda bir dəfə bu funksiyanı aktiv etsəniz, cihazınız daha təmiz və uzunömürlü olacaq.
Funksiyanı necə aktivləşdirməli?
Milli.Az xarici mətbuata istinadla yazır ki, bu rejimi aktivləşdirmək üçün paltaryuyan maşının idarəetmə panelindəki "İntensiv yuma" (Intensive Wash) və "Qırışıqsız" (No Crease) düymələrini eyni anda basıb 2 saniyə saxlayın.
Bu düymələr, adətən, ortasında ulduz işarəsi olan kvadrat mötərizə ilə göstərilir. Daha sonra "Start" düyməsini sıxın - və cihaz özünü təmizləmə rejiminə keçəcək. Bu proses üçün heç bir yuyucu vasitəyə ehtiyac yoxdur - paltaryuyan maşın öz funksiyası ilə daxili təmizliyi təmin edir.
Köhnə model paltaryuyanlar üçün xalq üsulu
Əgər cihazınız bu funksiyanı dəstəkləmirsə, sadə ev üsulları ilə də eyni effekti əldə edə bilərsiniz:
1. Ağ sirkə ilə dərin təmizləmə
2 stəkan ağ sirkəni yuyucu toz üçün nəzərdə tutulmuş bölməyə əlavə edin.
Maşını boş vəziyyətdə, ən yüksək temperaturda (ən azı 60°C) və uzunmüddətli yuma rejimində işə salın.
Bu qarışım barabanda toplanan bakteriya, kif və pis qoxuları aradan qaldırır.
2. Qida sodası ilə son mərhələ
İlk mərhələdən sonra barabana yarım stəkan qida sodası əlavə edin.
Heç bir yuyucu vasitə istifadə etmədən bir daha boş yuma rejimini başladın.
Proses bitdikdən sonra barabanı mikrofiber parça ilə silin - bu, sirkə və kir qalıqlarını tam təmizləyəcək.
Tövsiyə: Ayda bir dəfə tətbiq edin
Bu proseduru hər ay təkrarlamaq, paltaryuyan maşınınızın:
daxili hissələrinin təmiz qalmasına,
bakteriya və kifdən qorunmasına,
və ən əsası, pis qoxuların qarşısının alınmasına kömək edəcək.
Unutmayın: Təmiz cihaz = daha sağlam və keyfiyyətli yuma!
Kənan.
Milli.Az