Dünyanın ən zəngin insanlarından biri olan Bernard Arnault, rəhbəri olduğu LVMH Moët Hennessy Louis Vuitton şirkətinin səhmlərindəki artım sayəsində sərvətinə bir gündə təxminən 19 milyard dollar (16,3 milyard avro) əlavə edib.
Milli.Az xəbər verir ki, "Bloomberg Billionaires Index"in məlumatına görə, LVMH-nin səhmləri çərşənbə günü 12% bahalaşdıqdan sonra Arnault-un ümumi sərvəti 192 milyard dollara (164,8 milyard avro) yüksəlib.
Səhmlərin yüksəlişi, şirkətin gözləniləndən daha güclü rüblük nəticələr açıqlamasının ardınca baş verib.
Fransız iş adamı beləliklə Forbes-in Real-Time Milyarderlər siyahısında dünyanın ən varlı insanları arasında yeddinci yerə qalxıb və ABŞ xaricində ən zəngin şəxs mövqeyini qoruyub.
Milli.Az