"Vertu" bazara qayıdır - İçi qızıl, üstü timsah dərisi...

Britaniyanın lüks telefon markası "Vertu" uzun fasilədən sonra yenidən smartfon bazarına qayıdıb.

Milli.Az xəbər verir ki, şirkət oktyabrda "Vertu Agent Q" adlı yeni modelini təqdim edib.

Yeni cihazın qiyməti 5,1 min avrodan başlayır və 104 min avroya qədər yüksəlir.

Smartfonun korpusu paslanmayan poladdan, bəzi daxili hissələri isə qızıldan hazırlanıb. Xarici səthi timsah dərisi ilə örtülüb, və hər bir telefon əl ilə yığılır. Sahiblərinə 24 saat fəaliyyət göstərən fərdi konsyerj xidməti təqdim olunur. Cihazlar yalnız Londondakı Harrods mağazasında satılır.

Texniki xüsusiyyətlərinə gəlincə, Agent Q modelində

• 6,02 düymlük AMOLED ekran (120 Hz yenilənmə tezliyi ilə),
• Snapdragon 8 Elite Supreme prosessoru,
• 16 GB RAM və 1 TB daxili yaddaş,
• arxa hissədə 64, 50 və 50 MP-lik üçlü kamera,
• 5565 mAh tutumlu batareya və 65 vattlıq sürətli şarj mövcuddur.

İsmayıl
Milli.Az