Perunun yeni hökuməti cümə axşamı açıqlayıb ki, korrupsiya və mütəşəkkil cinayətə qarşı həftələrdir davam edən hökumət əleyhinə etirazlar səbəbindən paytaxt Limada fövqəladə vəziyyət tətbiq olunacaq.
Milli.Az xəbər verir ki, etirazlar çərşənbə günü polis tərəfindən güllələnərək öldürülən nümayişçi Eduardo Ruiz və Konqres binası yaxınlığında zorakılığa çevrilən aksiyalardan sonra baş verib. Hadisələr nəticəsində 100-dən çox insan yaralanıb.
Həftələrdir davam edən nümayişlər ölkədə artan cinayət və korrupsiya ilə bağlı narazılığı göstərir. Keçən həftə qanunvericilər keçmiş prezident Dina Boluartenin impiçmenti üçün səs vermişdi.
Nazirlər Kabinetinin rəhbəri Ernesto Alvarez bildirib ki, "Biz Böyükşəhər Limada fövqəladə vəziyyət elan edəcəyik".
Qeyd edək ki, polis rəisi isə Eduardo Ruizin ölümünə səbəb olan güllənin cinayət axtarış idarəsinin əməkdaşına aid olduğunu açıqlayıb. Zabit artıq saxlanılıb və işindən azad ediləcək.
Milli.Az