"Apple" şirkəti "Clips" adlı video redaktorunu rəsmi olaraq dayandırıb.
Milli.Az xəbər verir ki, tətbiq 2017-ci ildə sosial media istifadəçiləri üçün qısa videolar yaratmaq məqsədilə musiqi, filtr və başlıqlarla sadə alət kimi istifadəyə verilmişdi.
"Clips" artıq "App Store"dan silinib və 10 oktyabr 2025-ci ildən etibarən yeni istifadəçilər üçün əlçatan deyil. Tətbiq bir zamanlar "TikTok" və"Instagram Reels"ə alternativ olaraq qiymətləndirilirdi; istifadəçilər videolar çəkə, redaktə edə, başlıqlar, AR effektləri və stikerlər əlavə edə bilirdilər.
Artıq "Clips" quraşdırılmış istifadəçilər proqramdan iOS və iPadOS cihazlarında istifadə etməyə davam edə biləcəklər, lakin gələcək sistem yeniləmələri tətbiqin işləməsini dayandıra bilər.
"Apple" məlumat itkisinə qarşı yaradılmış videoları əvvəlcədən "Photos" proqramında saxlamağı tövsiyə edir.
Fidan
Milli.Az