2025-ci ilin yanvar-avqust aylarında Azərbaycanda xarici müəssisə və təşkilatlar tərəfindən əsas kapitala investisiya qoyuluşu davam edib.
Milli.Az iqtisadiyyat.az-a istinadən xəbər verir ki, bu barədə məlumat "Azərbaycan Mərkəzi Bankının "Pul siyasəti icmalı"nda yer alıb.
Dövlət Statistika Komitəsinin (DSK) məlumatına görə, 2025-ci ilin ilk səkkiz ayında xarici maliyyə mənbələrindən əsas kapitala 2 milyard manat həcmində vəsait yönəldilib.
Xarici mənbələrdən əsas kapitala yönəldilən investisiyalar ümumi investisiya dəyərinin 24,8%-ni təşkil edib.
Hesabat dövründə əsas kapitala yönəldilən xarici vəsaitlərin 97,3%-i Birləşmiş Krallıq, ABŞ, İsveçrə, Türkiyə, Yaponiya, Rusiya, İran İslam Respublikası, Hindistan, BƏƏ, Macarıstan və Fransa investorlarına məxsus olub.
Milli.Az