Naxçıvan şəhərində yol-nəqliyyat hadisəsi baş verib.
Milli.Az xəbər verir ki, hadisə şəhərin Afiyəddin Cəlilov və Mustafa Kamal Atatürk küçələrinin kəsişməsində qeydə alınıb.
Qəza zamanı "77 AL 903" dövlət nömrə nişanlı "Chevrolet Cruze" markalı avtomobillə "75 TA 427" dövlət nömrə nişanlı "NAZ-Lifan" markalı avtomobillər toqquşub.
Qəzada 2 nəfər (ana və övladı) xəsarət alıb. Onlar Naxçıvan Muxtar Respublika Xəstəxanasına yerləşdiriliblər.
Faktla bağlı araşdırma aparılır. (APA)
Milli.Az