Eynək istifadəçilərinin ən çox rastlaşdığı problemlərdən biri şüşələrdə yaranan ləkələr və zamanla ortaya çıxan xırda cızıqlardır. Bu hallar həm görüntü keyfiyyətini aşağı salır, həm də eynəyin ömrünü qısaldır. Halbuki ev şəraitində tətbiq oluna biləcək təbii və sadə üsullarla həm ləkələrdən qurtulmaq, həm də yüngül cızıqları azaltmaq mümkündür.
Milli.Az xəbər verir ki, eynək şüşələrini təmizləyərkən istifadə olunan məhsullar böyük əhəmiyyət daşıyır. Bazarda satılan kimyəvi tərkibli təmizləyicilər şüşənin örtüyünü zədələyə və iz qoya bilər. Bunun əvəzinə:
İlıq su və bir neçə damla təbii maye sabun - mikrofiber bezlə silindikdə həm ləkələri aparır, həm də şüşənin parlaqlığını qoruyur.
Sirkə və su qarışığı - həm təmizləyir, həm də antibakterial təsiri ilə şüşəni hijyenik edir.
Karbonatla cızıqları azaltma üsulu
Vaxt keçdikcə əmələ gələn yüngül cızıqlar görüntünü bulanıqlaşdırır. Tamamilə aradan qaldırmaq mümkün olmasa da:
Karbonat və su ilə hazırlanan qalın məcun
Dairəvi hərəkətlərlə yavaşca şüşəyə tətbiq edildikdə, səthi parladır və cızıqların görünməsini azaldır.
Diş məcunu ilə sürətli həll
Aşındırıcı olmayan bir diş məcunu az miqdarda cızıqlı sahəyə çəkilərək mikrofiber bezlə yüngül şəkildə silindikdə, xırda cızıqlar gözlə görünəcək dərəcədə azalır. Burada diqqət olunmalı məqam - aşındırıcı tərkibli olmayan diş məcunu seçməkdir.
Təbii yağlarla parlaqlıq effekti
Hindqozu yağı və ya jojoba yağı kimi təbii yağlar cızıqların içinə dolaraq işıq qırılmasını balanslaşdırır və cızıqların görüntüsünü müvəqqəti azaldır. Çox az miqdarda tətbiq edildikdə şüşələr daha parlaq görünür.
Eynək şüşələrinin ömrünü uzatmaq üçün ipucları
Kağız dəsmal və ya sərt parçalar deyil, mütləq mikrofiber bez istifadə edin.
Təmizləyərkən həddindən artıq təzyiq göstərməyin.
Müntəzəm və doğru qulluqla eynək şüşələri uzun müddət ilk günkü kimi aydın qala bilər.
Lalə Qüdrətova
Milli.Az