Xiaomi yaxın zamanda ən güclü modellərindən olan Xiaomi 17 və 17 Pro smartfonlarını təqdim etdi. Bəs bu yeni model, premium seqmentdə iPhone 17 ilə müqayisədə nələr təklif edir? Hansı telefon daha yaxşı seçimdir? Aşağıda iki modeli dizayn, ekran, kamera, performans, batareya və qiymət baxımından ətraflı şəkildə müqayisə etmişik.
Dizayn və ekran
iPhone 17, alüminium çərçivəli klassik Apple dizaynını qoruyur.
Xiaomi 17 də alüminium çərçivə və şüşə arxa panelə sahibdir.
Hər iki cihaz IP68 su və toz keçirməzlik sertifikatına malikdir.
Ekran:
iPhone 17: 6,3 düym Super Retina XDR OLED panel, 120 Hz ProMotion dəstəyi, HDR10 və Dolby Vision texnologiyaları, 3000 nit maksimal parlaqlıq.
Xiaomi 17: 6,3 düym AMOLED LTPO ekran, 1-120 Hz dəyişən yenilənmə sürəti, HDR10+ və Dolby Vision dəstəyi, 3500 nit maksimal parlaqlıq.
Parlaqlıq baxımından Xiaomi 17 daha yüksək göstəriciyə malikdir (3500 nit vs 3000 nit).
Kamera
Xiaomi 17:
50 MP əsas kamera
50 MP ultra geniş bucaqlı kamera
50 MP telefoto kamera (2.6x optik zoom)
Leica əməkdaşlığı ilə xüsusilə gecə çəkimlərində güclü performans göstərir.
iPhone 17:
48 MP əsas sensor
48 MP ultra geniş bucaqlı kamera
Photonic Engine və HDR texnologiyası ilə daha təbii rənglər və yüksək video keyfiyyəti təqdim edir.
Kamera tərəfdən Xiaomi texniki olaraq daha çox obyektiv təklif edir, iPhone isə video və rəng dəqiqliyi ilə fərqlənir.
Performans
Xiaomi 17
3 nm Snapdragon 8 Elite Gen 5 prosessor
16 GB-a qədər RAM, 512 GB yaddaş
4,6 GHz maksimal saat sürəti
Qualcomm AI mühərriki ilə təchiz olunub.
iPhone 17
Apple A19 (3 nm) çipi
8 GB RAM, 512 GB yaddaş
16 nüvəli Neural Engine, qabaqcıl süni intellekt alətləri
Ray tracing (işıq izləmə) dəstəyi.
iPhone 17 tək nüvəli performansda liderdir, Xiaomi isə çox nüvəli gücdə bir addım öndədir.
Batareya və proqram təminatı
Xiaomi 17
7000 mAh batareya
100W sürətli şarj, 50W simsiz şarj
Android 16 əsaslı HyperOS 3 sistemi
iPhone 17
3700 mAh batareya
30W kabel ilə, 15W MagSafe simsiz şarj
iOS 26 əməliyyat sistemi, uzunmüddətli yeniləmələr.
Batareya və şarj sürətində Xiaomi 17 açıq-açıq üstünlük qazanır.
Qiymət
iPhone 17: 799 ABŞ dolları
Xiaomi 17: 630 ABŞ dolları
Xiaomi 17 daha münasib qiymətə daha yüksək texniki göstəricilər təklif edir, iPhone isə ekosistem və proqram dəstəyi ilə fərqlənir.
Lalə Qüdrətova
Milli.Az