Meyxanaçı Aşin Fateh haqqında çıxan boşanma xəbərlərinə reaksiya verib.
Milli.Az xəbər verir ki, efirlərin birində qonaq olan söz ustası ailəsinin dağılması iddiasına aydınlıq gətirib.
"Mənim Nəfəslə olan bəzi videolarımın şərh bölümündə də belə fikirlərə çox rast gəlirəm. Bu mövzu barədə deyəcəm, birdəfəlik hamı bilsin. Belə iddialar oradan formalaşa bilər ki, mən ümumiyyətlə nə qız övladlarımı, nə də onların anasının heç bir yerdə görüntüsünü sosial şəbəkələr daxil, heç vaxt icazə verməmişəm olsun. Kimsə xanımın əlindən tutub sosial mediaya çıxmaq istəyir, hamı tanısın, mən isə elə şeylərdən uzaq olmuşam. Mənə doğma olan insanlar baxışımı, əqidəmi gözəl bilirlər.
Bundan sonra heç oğul övladlarımı da efirlərə gətirməyəcəyəm. Ailə mövzusu ilə gündəmə gəlmək istəmirəm. Hazırda ailəmin içindən, xanımımın yanından gəlirəm".
Musa
Milli.Az