Yasamal rayonu Mirzə Fətəli Axundov 86 ünvanında baxımsız bina artıq təhlükəli əraziyə çevrilib. Bura hər axşam narkomanların yuvasıdır.
Milli.Az xəbər verir ki, sakinlərin sözlərinə görə, narkamanların səs-küyündən və davranışlarından qorxu içində yaşayırlar:
"Qapının kodunu hardansa öyrəniblər. İstər qız, istərsə də oğlan olsun gəlib burda qalırlar. Bizə narahatçılıq verirlər. Ərazidə də iynə və digər izlər görmək olar".
Məsələ ilə bağlı DİN-dən bildirildi ki, paytaxt üzrə daimi yoxlama tədbirləri davam etdirilir. Həmin şəxslər müəyyənləşdirilməsi istiqamətində araşdırmalara başlanılacaq.
Aysel Əkbər
Milli.Az